Danonoćne gužve na barskom šetalištu: Ponuda bogata, zarada slaba

U gradu pod Rumijom ovih dana veoma je živo na šetalištu, gdje su gužve tokom čitavog dana, pa tako i do kasno u noć.

Međutim, prodavci na tezgama kojih ima duž šetališta žale se kako od šetnje nema nikakve vajde i da mogu vrlo malo zaraditi.

Kako nam reče jedan od njih, „šetači“ samo razgovaraju i razgledaju, ali ništa ne kupuju.

Kupce, kažu jedan ugostitelj, ne mogu privući ni bogati sadržaji ili lijepo uređene terase.

– Puno je gostiju na Šušanjskoj plaži, ne može se peškir staviti u borovoj šumi. No, sve je to uzalud za nas koji od turizma živimo, kad gosti nemaju para. A oni koji imaju nisu  došli ovdje, oni biraju druge destinacije gdje je ponuda daleko bolja – kaže jedan od šušanjskih ugostitelja.