Kamp Utjeha na porodičnom imanju Žuđelovića najbolji u Crnoj Gori, među TOP 10 manjih kampova u Evropi  

Svečano je bio krajem jula u kampu “Utjeha”. Razloga za slavlje imali su Žuđelovići, koji se porodično bave turizmom oko 30 godina.

 Od ljetos se  vijori  zastava „Award 2025“ koja označava kvalitet i visoki rang odmora u prirodi. Turisti koji tokom putovanja  koriste kamp prikolice,  mobilne kućice, ili šatore biraju kampove  koji su nagrađeni. Od 23 hiljade kampova na Starom kontinentu, među  TOP 10 manjih kampova u Evropi je  Kamp Utjeha i to na visokoj drugoj poziciji.

Kamp Utjeha koji je smješten u istoimenoj uvali između Bara i Ulcinja,  dobitnik je  „Award 2025“ prestižnog portala Camping.info.

Sanija i Fiko Žuđelović, vlasnici kampa na Utjehi podizanje zastave “„Award 2025“” proslavili su sa djecom, prijateljima i turistima.

U Kamp Utjeha dolaze turisti 30 godina Foto: Primorski portal

– Zadovoljni gosti su najbolja preporuka. Za nas potvrda posvećenog rada su turisti koji nam se vraćaju godinama, kazali su Žuđelovići za Primorski portal ističići da su ponosni jer  je Kamp Utjeha osvojio 2. mjesto među najboljim manjim  kampovima u sklopu prestižnog takmičenja Camping.info Award 2025!  

-Kamp Utjeha  dobio  je priznanje jednog od najpoznatijih i najvažnijih portala za kampere u Europi, što je dodatna potvrda našeg kvaliteta, posvećenosti i gostoprimstva, kazali su  za Primorski portal Žuđelovići koji su početkom godine obavješteni o nagradi.

Bračnom paru u poslu pomažu djeca tako da je organizovanje Kampa praktično porodični posao vrijednih Žuđelovića.

-Veliko hvala našim gostima, bez kojih ovo priznanje sigurno ne bi dobili, kao  i cijelom našem timu koji svakodnevno radi na tome da  boravak turista  u našem Kampu Utjeha bude divno iskustvo odmora u prirodi, među maslinama, na 100 metara od plaže, kažu Žuđelovići

Sezona u Kampu Utjeha počinje polovinom maja i traje do oktobra, Foto: Primorski portal

Provesti odmor u prirodi za mnoge turiste je veće zadovoljstvo nego spavati u hotelu sa tri, pet zvijezdica.

-Oduševljeni su gosti jer u našem kampu imaju mogućnost uživanja u pogledu na hiljade  zvijezda na vedrom nebu kroz kršnje maslina, uz “melodije” šuma mora nadomak obale, kažu Žuđelovići.

Kamp Utjeha je na porodičnom imanju Žuđelovića, na 100 metara od plaže

Kamp Utheha porodica Žuđelović je osnovana prije 30-tak godina,  na svom porodičnom imanju, na površini od oko 2.000 metara kvadratnih. Kapacitet kampa je 15 kamp mjesta. Gosti su uglavnom  iz evropskih zemalja, a imali smo kampere i iz Australije, Amerike… Turistička sezona uglavnom počinje polovinom maja i traje do oktobra, naveli su sagovornici Primorskog portala.

Kamp Utjeha dobitnik je  nagrade „Award 2025“ prestižnog portala Camping.info

CampingInfoAward2025 rangirao je  veće kampove iz Evropskih zemalja:  Njemačke, Holandije, Francuske,Italije… u TOP 100, a takođe, su izdvojili i rangirali manje kampove TOP 10, Kamp Utjeha je u TOP 10  manjih kampova na drugom mjestu