Najbolji kamp u Crnoj Gori,  drugu godinu zaredom kamp Utjeha na tronu

Kamp Utjeha koji se nalazi u istoimenoj uvali, drugu godinu za redom proglašen je najboljim kampom u Crnoj Gori a u njemu će se i ove godine vioriti zastava  „Award“.  Među TOP 10 manjih kampova u Evropi, Kamp Utjeha  je na visokoj drugoj poziciji. Po ocjeni  camping.info Award 2026. kamp Utjeha  osvojio je i visoko drugo mjesto u kategoriji manjih kampova u Evropi.

Zastava „Award 2026“  označava kvalitet i visoki rang odmora u prirodi. Kamp na Barskoj rivijeri, „Utjeha“ našao se među najboljim, u konkurenciji oko 23.000 kampova u Evropi, prema procjenama prestižnog portala Camping.info.

Porodica Žuđelović, i u 2025. godini dobili su prestižno priznanje , ispred kampa „Utjeha“ viorila je zastava „Award 2025“  -Primorski portal

Bračni par, Sanija i Fiko Žuđelović, osnovali su kamp “Utjeha” prije 30-tak godina,  na svom porodičnom imanju, na površini od oko 2.000 metara kvadratnih. U uvali između Bara i Ulcinja, na nepunih 200 metara od mora kapacitet kampa je 15 kamp mjesta.

-Ponosni smo na prestižno priznanje- najbolji kamp u Crnoj Gori. U porodičnom poslu uključeni smo supruga i ja, kao i naše dvoje djece.  Ovaj uspjeh je rezultat predanog rada, poštenog odnosa prema gostima i ljubavi prema onome što radimo, kazao je za Primorski portal Fiko Žuđelović.

Žuđelovići navode da slijede pripreme za ovogodišnju turističku sezonu koja u njihovom kampu počinje početkom maja I i traje do oktobra, naveli su sagovornici Primorskog portala.

Po ocjeni Camping.info Award 2026. kamp Utjeha  osvojio je i visoko drugo mjesto u kategoriji manjih kampova u Evropi– Primorski portal