Dođite u Kids club i pođite na “Put oko svijeta”…
Djeca u Baru su dobila svoj klub- Kids club. Posvećeno osmišljen boravak za mališane uz zabavne i edukativne programe, tematske radionice za djecu od pet do 12 godina tokom kojih stiču vještine, uče kroz igru .
– Naša škola nudi bogat i raznovrstan program radionica za djecu. Iz našeg programa izdvajamo tematske radionice: „Put oko svijeta“ gdje djeca uče o različitim kulturama, kao i školice kuvanja zdrave hrane gde se upoznaju sa osnovama kulinarstva. Mentalna Aritmetika i Brainobrain: Razvijanje kognitivnih sposobnosti kroz mentalnu aritmetiku i specijalizovane metode kao što je Brainobrain, navodi za Primorski portal Nikolina Kovač.
Produženi Boravak: Letnji i zimski programi produženog boravka sa aktivnostima kao što su radionice, učenje o domaćinstvu, kuvanje, igre na otvorenom, društvene igre i tradicionalne, zaboravljene igre, ponavljanje gradiva, edukativne igre i emisije… dio su izbora za djecu naših sugrađana, a I turista koji su na odmoru u Baru.
-Ovi programi su osmišljeni da djeci pruže zabavno i edukativno iskustvo dok su njihovi roditelji na poslu, kupovini, sastanku, na poslovnom ručku. Kids club je mjesto gdje se mališani osjećaju lijepo, a za to vrijeme roditelji bezbrižno, ističe Nikolina Kovač
