Bar: Vatrogasci danas ugasili tri požara na objektima

Tri požara na području Bara danas su ugasili barski vatrogasci. Pripadnici službe zaštite i spašavanja Bar danas su imali tri intervencije na objektima. U jutarnjim časovima izbio je požar u mjestu Petovića zabio gdje su gorele dvije veš mašine u potkrovlju stambenog objekta . Požar je brzo ugašen u prostoriji u kojoj je nastao i na taj način spriječeno širenje na ostatak objekta.

Na ovom požaru učestvovala su tri vatrogasna vozila sa posadama. U prostorijama podzemne garaže zgrade u blizini zelene pijace izbio je požar na kanalazicionim cijevima. Požar je brzo ugašen.

Prema riječima načelnika Službe zaštite i spašavanja Bar Aca Vulevića u popodnevnim časovima službi je prijavljen požar na krovu stambenog objekta u naselju Brca.

-Na lice mjesta izašla su tri vatrogasna vozila sa posadama i stavili požar pod kontrolu, ugasili bez širenja požara na ostatak objekta, kazao je Vulević.