Baranin osuđen na 30 dana zatvora, na društvenim mrežama vrijeđao policajce, nazivao ih i „kerovima“

Zbog grubog vrijeđanja pripadnika policije na društvenim mrežama A.R. (35) oglašen je krivim i osuđen  na kaznu zatvora u trajanju od 30 dana. To je potvrdio sudija Marko Đukanović, predsjednik Suda za prekršaje u Budvi.

Kako je „Vijestima“ rečeno, okrivljeni je juče oko 12.30 časova na društvenim mrežama Fejsbuk i Instagram grubo vrijeđao policajce. On je nakon što mu je prijatelj uhapšen objavio komentar „Postao si heroj brate, oni će uvjek biti kerovi i sluge svakog režima, kume ponosim se s tobom pokazao si im kako se brani čast, niste mu do koljena vi ste sluge režima. Moj brat je već postao heroj a vi se pitajte kuda ćete bježat od sramote kada skinete uniforme jednom kada odete u penziju“.

Time je počinio prekršaj iz Zakona o javnom redu i miru.