Budite i vi nečiji „Tajni Deda Mraz“, 110 mališana čeka na poklone

MU Žene Bara i ORC Kefalogiko nastavljaju i ove godine lijepu višegodišnju tradiciju organizacije „Tajnog Deda Mraza“. Humanitarma akcija za cilj ima prikupljanje poklona za najmlađe korisnike Narodne kuhinje u Baru.

„Idemo u još jednu avanturu ostvarivanja dječijih novogodišnjih želja. Djeca Narodne kuhinje u Baru čekaju nas. Ove godine pozivamo i škole i vrtiće da zajedno napravimo što bogatije poklone“, navode organizatori.

Ove godine prikupljaju se pokloni za 110 mališana.

Procedura je ista kao i ranijih godina, naglašavaju iz Kefalogika.

„Provjerite koji su slobodni brojevi, Rezervišete broj poklona/djeteta, Nosite označen poklon u Narodnu kuhinju i na kraju – Osjećate se ispunjeno neopisivom radošću zbog usrećivanja nekog nepoznatog. Javite se u DM ili pišite/zovite na 067854374“, navode iz ORC Kefalogiko.