„Sjećaš li se Doli Bel“ na Barskom ljetopisu

U okviru 38. izdanja festivala „Barski ljetopis“, na Ljetnjoj sceni Doma kulture „Vladimir Popović Španac“ biće izvedena pozorišna predstava „Sjećaš li se Doli Bel“ Kamernog teatra 55 Sarajevo, u režiji Kokana Mladenovića.

Ova emotivna predstava prati priču o prvoj ljubavi, odrastanju i razočaranju u utopijski društveni sistem kroz prizmu sjećanja Sabahudina Zolja, poznatog kao Dino. Drama, zasnovana na tekstu Abdulah Sidrana, donosi složenu i iskrenu refleksiju o prolaznosti, bolu i radosti, osvetljavajući slojeve ličnih i kolektivnih uspomena koje oblikuju naš pogled na svijet.

Predstava je stekla status jedne od najznačajnijih savremenih teatarskih ostvarenja u regionu, višestruko nagrađivana na prestižnim festivalima širom Bosne i Hercegovine, Hrvatske, Srbije, Crne Gore i drugih zemalja. Prepoznata je po izuzetnoj režiji, scenskom izrazu i snažnim glumačkim ostvarenjima, a publici je ostala urezana kao poseban i dirljiv teatarski doživljaj.

Uloge u predstavi tumače vrhunski glumci: Emir Hadžihafizbegović, Gordana Boban, Admir Glamočak, Feđa Štukan, Davor Golubović, Elma Juković, Enes Kozličić, Tatjana Šojić, Muhamed Hadžović, Sabit Sejdinović, Muhammed Nadarević i Amar Selimović.

Scenografiju i kostimografiju potpisuje Adisa Vatreš Selimović, kompozitorka je Irena
Popović, dramaturg Vedran Fajković, inspicijent Senad Bešić a producent Mirza Muzurović.

Predstava je rasprodata.