Prijavljen nestanak djevojčice u Baru

Petnaestogodišnja djevojčica, državljanka Rusije, nestala je juče u Baru. Nestanak je prijavila njena majka. Iz Službe zaštite i spašavanja za Primorski portal su potvrdili da je majka prijavila nestanak djevojčice i potraga za njom počela je u noći između utorka i srijede.

„Jutros smo nastavili potragu za djevojčicom“, kazao je Aco Vulević iz Službe zaštite i spašavanja.

Sinoć u 23.05 sati Službi zaštite i spašavanja iz policije je prijavljen nestanak djevojčice, iza brda Volujica.

Vatrogaci su skoro četiri sata pretraživali teren tokom noći, ali je još nijesu pronašli.

U potragu je uključen i spasilački čamac SAR UPSUL-a.