Uspješna akcija UPSUL-a u Budvi: Spašena posada sa strane ribarice
Pripadnici pomorsko-operativnog centra Uprave pomorske sigurnosti i upravljanja lukama sinoć u kasnim večernjim satima spasili su stranu ribaricu koja se nalazila 16 nautičkih milja južno od Budve.
Kako navodi Žarko Lukšić, pomoćnik direktora UPSUL-a, trojici članova posade je pozlilo.
„Operateri Erkam Vuković i Dragan Ivanović su preko radarskog sistema locirali ribaricu koja je nalazila van teritorjalnog mora Crne Gore i uz koordinaciju Sektora ganične policije Herceg Novi i Budva, uputila spasilački čamac SAR-5, sa posadom. Tu su bili Jasmin Koković i Marko Čejovć, a trebalo im je sat vremena da stignu na poziciju, uz stanje mora 3-4 usijed jačeg zapadnog vjetra“, kazao je Lukšić, dodajući da je spasilački čamac stigao nešto prije ponoći na poziciju ribarice i preuzeo tri člana posade.
Oni su odmah upućeni ka Marini u Budvi, gdje ih je čekalo vozilo Zavoda za hitnu medicinsku pomoć kako bi pružili prvu medicinsku pomoć.
„I ovom akcijom u zadnjih nekoliko dana se potvrđuje da je pomorski saobraćaj posebno u Bokokotroskom zalivu i teritorijalnom moru inteviziran i s tim u vezi sve pomorske vlasti i institucije pojačaće kontrolu i sve ostale aktivnosti na moru“, zaključio je Lukšić
