Vatrogasci spasili konja

Zaposleni u Službi zaštite i spašavanja Bar ne pristižu samo sugrađanima i turistima u pomoć nego spašavaju i životinje. Danas su spasili konja.

„Na poziv građana da je konj zaglavljen u septičkoj jami ekipa Službe zaštite i spašavanja je izašla na taren i zajedno sa vlasnikom dvorišta i komšijama uspjela da izmorenu životinju održava na površini i spriječi da se udavi do dolaska kamiona sa kranom koji je izvukao na sigurno. Željeli bi da se zahvalimo Alanu Čoviću koji je sa svojim vozilima uvjek na raspolaganju službi“, kazao je za Primorski portal komandir Aco Vulević.