Druga kadetska liga, 14. kolo: Pogodio samo Pekić
Mornar je izgubio na gostovanju Igalu rezultatom 2:1.
Dva gola za domaće postigao je Neđeljko Tomašević (45 i 58), a gol za kadete Mornara rezervista Pekić u 65. minutu.
Barani su, kao i na nekoliko ranijih utakmica, imali puno šansi, ali je samo jedna lopta završila iza leđa golmana Dragana Tripkovića.
– Odigrali smo dobru utakmicu sa jakim protivnikom, po veoma lošem terenu i jakom vjetru. Imali smo inicijativu tokom cijele utakmice, poveli na vrijeme golom Škipine, koji je pogodio glavom na ubačenu loptu iz kornera. Na početku drugog poluvremena naišao je mali pad u igri i primili smo gol. U finišu utakmice igralo se napadački na obije strane, a mi smo imali čak tri stopostotne šanse koje nismo iskoristili. Opet se istakao štoper i kapiten Ćirovic, te u napadu Miljanić koji je od prvog minuta pretrčao veliku kilometražu – kaže trener Mirko Raičković.
Mornar je igrao u sastavu: Vučeta Ćorić, Damir Redžović, Matija Miljanić, Belmin Hasanović, Armin Višnjić, Matvei Zhilin (od 68. Teodor Tomašević), Andrej Škipina, Uroš Pekić, Ratko Kovačević (od 46. Relja Pekić), Damjan Danilović (od 46. Ognjen Petrušić), Andrej Ćirović.
