Otrgnuto od zaborava: Sunčica Bakić – tanane strune u sportskoj duši

Promoteri uzvišenog uvijek su na pravom događaju. Sunčica Bakić je odnekud sa  prošlogodišnje naslovnice, ponovo rezervisala, mjesto za sebe.

Tekst napisan, 2009. godine.

Misija novina okrenutih sportu i sportskoj kulturi podrazumijeva i ilustracije o svojoj “najboljoj djeci”. I kuda bi drugo djevojka sa sunčanim zrakom u imenu, nego na svetkovinu duše i trijumf gitare?

Gitar fest, u Baru traži ovakvu publiku. I na sreću, ima je. Još ako je sve nalik na Sunčicu, budućnost je zagarantovana. Zagarantovano je pravo mladih da se nađu tamo gdje grad promoviše strategiju za budućnost. Bilo na sportskom ili kulturnom planu.

Planski i sa mjerom, Sunčica Bakić traži prostora na terenu dobrih vibracija. U tom smislu, sedma manifestacija „Gitar fest”   je najpouzdaniji vodič. Okupila one koji znaju, one ca internacionalnim predznakom, one koji u duši sabiraju i lokalno i globalno. One koji su mjera i za sopstvenu sredinu i za granice koje spajaju ljude.

S mjerom. Bar je organizovao međunarodni festival, za koga njegov direktor Senad Gačević kaže da ima budućnost. Budućnost je kako u akterima, tako i u publici. Budućnost je prema ovome što znači najsuptilniju mjeru za duh i dušu. Duša stanuje u gradovima koji joj pružaju utočiše. Duša je tamo gdje se nalaze ljudi  od najsuptilnijih vibracija, ljudi koji knjiže uspjeh na ličnom planu, ali  i u kolektivnoj strategiji.

Strategija modernog Bara traži novu mjeru i novu formulu, podjednako i u sportu i u kulturi.