Treći Memorijal Milenko Mićko Obradović: Najbolja ekipa RipŠpeda
RipŠped najbolja ekipa
Treći Memorijal “Milenko-Mićko Obradović” u malom fudbalu završen je trijumfom RipŠpeda, uz puno dobrog fudbala i pravog spektakla. Barska ekipa je poslije dva druga mjesta na prethodna dva turnira, zasluženo bila najbolja.
U finalu protiv odlične ekipe Šušanj trade-a sa najboljim golmanom turnira Metom Asovićem, tim RipŠpeda predvođen najboljim igračem turnira Borisom Merdovićem slavio je sa 3:1 dok je bjelopoljska ekipa Café bar Art sa najboljim strijelcem u svojim redovima Igorom Mrdakom osvojila 3. mjesto protiv Stare Čaršije.
Sudije ovog turnira, koji su kao i prošle godine besprijekorno odradili zadatak, bile su futsal sudije Dalibor Milatović, Stavan Braunović i Igor Dragović.
Prije velikog finala upriličen je bogat kulturni program KUD-a „Rumija“ iz Bara.
