Drobnjak: ne razmilja se o životima, razmišlja se samo o novcu

Biljana Dabić 07.02.2023 23:32

Bolnica Meljine postala je  stacionar. Predsjednica SO bolnice u Meljinama, Slavica Drobnjak kazala je da očekuju hitno i konkretno rješavanje statusa zaposlenih u bolnici.
- Rješenje koje je ponudilo ministarstvo zdravlja- je takvo da se ne razmišlja  o životima, razmilja se samo o novcu. Stavili su na papir i shvatilo se da nema novca za svih 150 radnika, dio je “skinut”, ostalo je što je ostalo. Konkurs je neprijatan. Neprijatno je da konkurišete za rado mjesto na kome ste radili  30 godina, borili se. Za to isto radno mjesto svi imaju pravo po zakonu. Nisu jasne neke strane. Zašto Vlada neće da čuje  stranu sindikata, neće da čuju naše zahtjeve, kazala je Drobnjak ističući  da ponuđeno rješenje nije dobro za građane Herceg Novog 

Bolnica Meljine je u centru grada. Meljine su  turističko mjesto. 
-Ako se razboli neko od turista, on  očekuje da brzo bude zbrinut i brzo primi terapiju, kazala je  predsjednica SO bolnice u Meljinama Drobnjak. Ona je naglasila  da očekuju  hitno i konkretno  rješavanje statusa zaposlenih u bolnici.

-U tom pravcu je tražen sastanak sa predsjednikom Vlade i ministrom zdravlja kako bi smo dobili informacije o namjeram Vlade i konkretnim koracima u pravcu rješavanja ovog pitanja, rekla je ona.
Drobnjak je podsjetila da zaposleni u Bolnicama Meljine imaju velikih problema sa kojim se bore  10 godina. U stečaju su  od 2018.godine.