Kilogram kestena pet eura
Foto: DAN
Na zelenoj pijaci u TC „Gintaš“ stigao je kesten koji košta pet eura po kilogramu.
Prodavci kažu da za ovaj proizvod još ne vlada veliko interesovanje i tvrde da se cijena neće mijenjati kako se praznici budu približavali. I dalje su mandarine najprodavanije voće, a kilogram košta euro. Za 1,50 eura može se kupiti nar, dok su šljive 50 centi skuplje. Limun se može kupiti za 2,50 eura, a isto toliko novca potrebno je izdvojiti za grožđe. Dva eura su jabuke, dok su banane 1,50 eura.
Krompir se može kupiti od euro do 1,50 eura. Crni luk je od dva do 2,50 eura, dok za domaći bijeli treba izdvojiti osam eura. Paradajz se može kupiti za dva, a krastavac za 2,50 eura. Sve vrste paprika mogle su se kupiti za dva eura po kilogramu. Za kilogram šargarepe potrebno je izdvojiti dva eura, a isto toliko koštaju i tikvice. Kilogram zelene salate je 3,50, koliko je potrebno izdvojiti i za blitvu.
DAN


