Palme za ljepši izgled centra Bara

U ulici Vladimira Rolovića ispred poslovne zgrade Zib-a, zaposleni u DOO Komunalne djelatnosti Bar uklonili su dvije sadnice tuje koje su smetale prolaznicima. 

„Na njihovim mjestima smo posadili Lepezaste palme (Trachycarpus excelsa) kako bismo doprinijeli estetici i zelenilu u centru grada. Takođe smo zasadili i dvije palme ispred Robne kuće. Ovo je dio šireg plana za sadnju novih sadnica i u narednim danima, planiramo proširiti ovu inicijativu na više lokacija gdje nedostaje zelenilo (oštećeno zbog nevremena ili štetocina), kako bismo obogatili okolinu i stvorili ugodno okruženje za sve građane„, navode iz Komunalnog preduzeća.