Slučajni susret: Alen Bišević krenuo očevim stopama

Od Darovih topola pa do Topolice, kako se u Baru fudbalska lopta počela kotrljati, uvijek je bilo pojedinaca koji su znanjem i umijećem da pogode protivničke mreže plijenili pažnju ljubitelja najvažnije sporedne stvari na svijetu i zaslužili naziv – golgeter kluba.
Jedan od takvih igrača bio je i Skender Kendi Bišević, bivši umjetnik pred golom protivničkih timova, prava napast za golmane rivala. Ubojiti centarfor gdje god je igrao od Bara do Novog pazara, Sarajeva i Kine.

Sada je u žiži interesovanja fudbalske javnosti njegov sin Alen, koji je krenuo očevim stopama.
Mlađani Alen od malih nogu pokazuje želju za fudbalom i na svakom meču dokazuje svoj talenat i motiv da se prikaže u što boljem svijetlu. Naravno, ima punu očevu podršku.
U prvom dijelu prvenstva Alen je igrao za omladince u Prvoj omladinskoj ligi, odigrao 12 utakmica i postigao sedam golova. Na terenu je proveo 999 minuta i skrenuo pažnju šire javnosti odličnim igrama u jesenjem dijelu šampionata.

– Kod mene je sve vezano za fudbal, nezamisliv mi je život bez njega. Lopta, golovi, radovanje, poraz… Ima li šta ljepše na svijetu, pa nema?! Želim da nastavim da učim, da se dalje usavršavam, razvijam i napredujem. Mislim da je Mornar za sada mjesto za to – kaže Alen i dodaje
– San svakog mladog sportiste je dres sa nacionalnim grbom, pa tako i moj. Imao sam poziv selektora, ali ću nastojati da se i dalje nametnem dobrom igrom.
1 Komentar
Imao sam cast da igram sa Skenderom Bisevicem u FK NOVI PAZAR i znam da se radi o vrhunskom coveku profesionalcu i mnogo dobrom igracu na svojoj poziciji spica ostavio je dubok trag u nasem klubu i rado ga se i dan danas secaju strelac koji je imao njuh za gol a istovreneno hrabar i spreman na borbu bez odstupanja ko da je Pazarac bio zato su ga voleli i saigraci a i publika.
Ovim putem ga puno pozdravljam i drago mije sto je sin krenuo njegovim stopama nadam se da ce imati jos bolnu karijeru od oca i dace i on kao i njegov itac jednog dana zaigrati za moj klub.
Komentari su zatvoreni.